Cerita Anoman
Anoman kuwi wujud kethek putih memplak. Duwe kuku dawa ana jempol tangane. Jenenge kuku Pancanaka, kaya kukune Wrekudara. Sandhang panganggone Anoman kaya sadhang panganggone Wrekudara.
Anoman iku trengginas, trampil cukat mencolot utawa mletik. Awake entheng banget prasasat bisa mabur. Nalika brubuh Ngalengka, Anoman tinuding dadi Senapati Prabu Ramajaya. Awit saka kasektene, Rahwana sabalane bisa ditumpes dening Anoman sabalane kang awujud kethek.
Anoman iku putrane Dewi Anjani patutan karo Bathara Guru ing Kahyangan Argadumilah. Bathara Guru panggedhening para dewa. Dadi Anoman iku setengah dewa. Mula sekti banget lan umure nganti pirang-pirang atus taun.
Bareng wis tuwa Anoman madeg dadi Pandhita, aran Resi Mayangkara. Kasatriyan Kendhalisada diowahi dadi Pratapan Kendhalisada. Cantrike Anoman akeh banget ing antarane putra Pandhawa kayata Gathutkaca, Antareja, Antasena, uga Abimanyu.
