Puntadewa
Puntadewa aliyas Yudhistira iku putrane Pandhu Dewanata ratu ing Ngastina saka garwa Dewi kunthi. Puntadewa duwe adhi kandhung loro, yaiku Bima lan Arjuna. Puntadewa uga duwe adhi kuwalon loro, yaiku Nakula lan Sadewa.
Puntadewa, Bima, Arjuna, Nakula, lan Sadewa diarani pandhawa tegese anak lima lanang kabeh. Pandhawa iku anake Pandhu Dewanata. Dadi Puntadewa iku Pandhawa mbarep utawa nomer siji. Puntadewa dadi ratu ing Amarta.
Puntadewa aliyas Yudhistira duwe sifat adil lan jujur. Puntadewa uga duwe gelar Ajatsatru amarga selawase urip ora tau duwe satru. Amarga duwe sifat-sifat kang becik mau, Puntadewa dihadiyahi karo para dewa, nalika mlaku ora tau ngambah lemah. Nalika dheweke numpak kreta kencana, rodha kretane melu ngambang ing dhuwur lemah.
